Улаанбаатар дахь Хяталын соёлын төв Их засаг их сургуультай хамтарч 04 дүгээр сарын 30-ны өдөр “Хятад хэлний баяр” үйл ажиллагааг тус сургуулийн Олон улсын тэнхим дээр амжилттай зохион байгууллаа. Арга хэмжээнд Улаанбаатар дахь Хятадын соёлын төвийн мэргэжилтнүүд болон Их засаг их сургуулийн Чингис Сосо их сургуулийн захирал Даваадорж, Их засаг их сургуулийн Олон улсын тэнхимийн захирал Ундрал, Хятад хэлний танхимийн эрхлэгч Оюун-Эрдэнэ мөн тус сургуулийн багш оюутнууд гээд 300 гаруй хүн оролцлоо.
Их засаг их сургуулийн Олон улсын тэнхимийн эрхлэгч Ундрал нээлтийн үеэр үг хэлэхдээ, 70 жилийн хугацаанд Хятад Монгол хоёр улсын харилцаа үсрэнгүй хөгжиж, хүмүүнлэгийн салбарын солилцоо хоёр улсын харилцаанд чухал агуулгын нэг болжээ. Хэл бол харилцааны гүүр, Их засаг их сургууль хятад хэлний боловсролыг чухалчилж үзсээр ирсэн. Жил бүр хятад хэлний баяр арга хэмжээг зохион байгуулдаг нь нэг талдаа оюутнуудын сурлагын үр дүнг харуулах, нөгөө талдаа энэ арга хэмжээгээр дамжуулан сургуулийнхаа нийт багш оюутнуудад өөр өөр арга барилаар Хятад соёлыг танилцуулах, Хятад улс, Хятад соёлын ойлголтыг нэмэгдүүлэхэд зорьсон юм.
Улаанбаатар дахь Хятадын соёлын төв 2018 оноос энэхүүарга хэмжээг хамтран зохион байгуулах болсон. Ингэснээр уг арга хэмжээний агуулга болон чанар тун их сайжирч байна. Энэ жилийн хятад хэлний баяр арга хэмжээ нь илүү өнгө төрхтэй байна гэдэгт итгэж байна.
Хятад соёлын төвийн мэргэжилтнүүд БНХАУ-аас Монгол улсадсуугаа ЭСЯ-ны соёлын зөвлөх болоод Улаанбаатар дахь Хятадын соёлын төвийн гүйцэтгэх захирал Ли Вэй хатагтайг төлөөлж энэ удаагийн Хятад хэлний баяр арга хэмжээг амжилттай зохион байгуулахыг хүслээ.
Хятад Монгол улснь уул усаар холбогдсон сайн хөрш, сайн найз, сайн түнш юм. Хятад хэлийг сурах нь хоёр улсын хүнүүнлэгийн солилцоог ахиулахад суурь ач холбогдолтой юм. ЭСЯ болон Хятадын соёлын төв тус сургуулийн хятад хэлний баяр арга хэмжээг маш ихээр дэмжиж, илүү олон оюутан энэ арга хэмжээгээр дамжуулан Хятад хэл, соёлыг илүү их ойлгож, Хятад Монгол найрамдлын бүтээгч болохыг хүсчбайна.
Энэ удаагийн Хятад хэлний баяр арга хэмжээ нь 12 хөтөлбөрөөс бүрдсэн байв. Баяр хөөртэй хятад бүжгээр өнөөдрийн сайхан өдөр эхэлж, үргэлжлүүлээд Олон улсын тэнхимийн багш оюутан нар “Найз” дууг хамтран дуулсан юм. Түүнчлэн гоцлол дуу, бүжиг, хошин шог, уран уншлага, уушуу зэрэг тоглолтыг үзүүлж, оюуютнуудын хятад хэлний сурлагын амжилтыг иж бүрнээр толилуулсан билээ. Тоглолтын төгсгөлд шүүгчид шилдэг 4 үзүүлбэрт шагнал гардууллаа.
Их засаг их сургуулийн Чингис хаан гадаад хэл, соёлын тэнхим мэргэжлийн хятад хэл, соёлын мэргэжлийг олгодог болсон. Хятад хэлний баяр арга хэмжээ нь тус сургуулийн хувьд олон жилийн түүхтэй хөтөлбөр төдийгүй жил болгон зохион байгуулдаг арга хэмжээний нэг юм. 2018 оноос энэхүү баярыг Улаанбаатар дахь Хятадын соёлын төв хамтран зохион байгуулдаг болсон. Тус баяр нь нь 2019 оны “Хятад соёлыг дунд,их сургуулиудад” арга хэмжээний нэг юм.